اسلام آباد ۔ 05 جولائی (اے پی پی) قومی احتساب بیورو دے چئیرمین جسٹس(ر) جاوید اقبال آکھیے جو نیب قوم دے ارباں روپے لوٹ تے باہرلے ملک گھن ونجنڑ آلے بدعنوان عناصر کو ں وطن واپس گھن کرائیں انہاں توں قوم دی لوٹی ہوئی رقم بر آمد کرنڑ اتے انہاں کوں انصاف دے کٹہرے اچ کھڑا کرنڑ سانگے سنجیدہ کوششاں کر یندا پئے۔ انہاں خیالیں دا اظہارچئیرمین نیب جسٹس (ر) جاوید اقبال نیب ہیڈ کوارٹرز اچ ہک اجلاس دی صدارت کریندے ہوئیں کیتا۔جیندے اچ نیب دے آپریشن اتے پراسیکوشن ڈویژنز دی کارکردگی داجائزہ گھدا گیا ۔ چئیرمین نیب آکھیا جو نیب دے سارے افسراں کوں ہدایت کیتی ہے جو اوہ دیانتداری، ایمانداری، محنت،لگن ،شفافیت،میرٹ،ٹھوس شواہد اتے قنون مطابق اپنڑیاں قومی ذمہ داریاںنبھاونڑ۔ انہاں ڈسایا جونیب تے اعتماد دی وجہ نال ہی نیب کوں گزریل18 مہیناں اچ 60400شکایتاں ملیاں۔ جنہاں داقنون مطابق مکمل جائزہ گھدا گیا، مکمل سکروٹنی دے بعد 2500شکایتاں دی گول پھرول،1159 انکوائریاں اتے 404 انوسٹی گیشناں دی منظوری ڈتی گی جڈاں جو 610بد عنوانی دے ریفرنس مختلف احتساب عدالتاں اچ دائر کیتے گن،جیرھا جو زیر سماعت ہن۔ نیب 570بندیاں کوں گرفتار کر تے 5000ملین روپے برآمد کرتے قومی خزانے اچ جمع کروائے۔ نیب دی 2019اچ سزا ڈیوانڑ دی شرح 70.8 فی صدرہی جیرھی جو پاکستان اچ کرپشن مکاونڑدتے ادارے دی چنگی اتے مثالی کارکردگی ہے۔ ایندے علاوہ ایں ویلھا احتسا ب عدالتاں اچ1236بدعنوانی دے ریفرنس زیر سماعت ہن جنہاں دی تقریباًََ مالیت 900 ارب روپے توں ودھ ہے۔انہاں آکھیا جو نیب بزنس کمیونٹی دے مسئلیاں دے حل کیتے نیب ہیڈ کوارٹر ز اتے نیب دے سارے علاقائی دفتر اں اچ شکایات سیل بنڑائے ہن، تاں جوبزنس کمیونٹی دے مسئلیاں کوں وختی بر وقت حل کیتا ونج جا سگے۔بزنس کمیونٹی چئیرمین نیب دی قیادت اچ نیب کارکردگی دی تعریف کیتی اتے یقین ڈیوایا جو اوہ ملک توںکرپشن مکاونڑ سانگے کیتی گی کوششاں کوں قدر نال ڈیکھدن۔
چئیرمین نیب جسٹس (ر) جاوید اقبال دی صدارت اچ اجلاس,نیب آپریشن اتے پراسیکوشن ڈویژنز دی کارکردگی دا جائزہ گھدا گیا
مضمون کا ماخذ : raspadinha resultados
متعلقہ مضامین
