اسلام آباد ۔ 9 جولائی (اے پی پی) وزیر خارجہ مخدوم شاہ محمود قریشی آکھیے جو پاکستان دولت مشترکہ اچ بھرپور کردار ادا کریندا پئے تے اگی تے وی او تنظیم اچ اپنڑاں کردار ادا کریندا رہ ویسی ،دولت مشترکہ دے 2018اچ طے کیتے گے اہداف تے پیشرفت دے حوالے نال پاکستان ولوں مفصل رپورٹ پیش کریساں۔ منگل کوں ڈو ڈینھ دے سرکاری دورے تے برطانیہ روانگی توں پہلے میڈیا نال گال مہاڑ کریندے ہوئیں وزیر خارجہ آکھیا جو دولت مشترکہ دے 54رکن ملکاں ہن تے پاکستان کوں وی ایندی نمائندگی حاصل اے ، پاکستان دولت مشترکہ اچ اپنڑاں بھرپور کردار ادا کریندا پئے ۔ مخدوم شاہ محمود قریشی آکھیا جو دولت مشترکہ دا ہک غیر معمولی اجلاس تھیونڑ ویندا پئے جیں اچ شرکت کیتی برطانیہ روانہ تھیندا پیاں ، برطانوی وزیر خارجہ جیرمی ہنٹ دولت مشترکہ دے اجلاس اچ شرکت دی دعوت ڈتی اے۔ انہاں آکھیا دولت مشترکہ دے اجلاس دے دوران رکن ملکاں دے وزرا خارجہ نال وی ملاقات دا موقع ملسی ۔
پاکستان دولت مشترکہ اچ اپنڑاں بھرپور کردار ادا کریندا رہ ویسی ،وزیر خارجہ شاہ محمود قریشی
مضمون کا ماخذ : جنگل کا بادشاہ
متعلقہ مضامین
