اسلام آباد ۔ 9 جولائی (اے پی پی) وفاقی وزیر منصوبہ بندی، ترقی و اصلاحات مخدوم خسرو بختیار آکھیے جو ملک اچ توانائی دے مسلیں تے قابو پاونڑ کیتے ٹرانسمیشن لائنز اتے گرڈ سٹیشنز سمیت بئے آلات دی اپ گریڈیشن کیتی ویندی پئی اے تاں جو مستقبل اچ توانائی دے بحران جیہے مسئلے پیدا نہ تھیون ۔اے گال انہاں گزریل ڈینھ سی ڈی ڈبلیو پی دے اجلا س اچ آکھی اے ۔اجلاس اچ توانائی دے چار منصوبے پیش کیتے گے جیں اچ پہلا منصوبہ ملک دے جنوبی علاقیں اچ بجلی دی فراہمی بہتر بنڑاونڑ کیتے ڈہرکی ، رحیم یار خان ، بہاولپور اتے چشتیاں دے 220 کے وی گریڈ سٹیشن کو ںمنسلک کرنڑ کیتے 12273.39 ملین روپے دا منصوبہ پیش کیتا گیا جیں کوں حتمی منظوری کیتے ایکنک بھیج ڈتا گیا ۔ڈوجھا منصوبہ 220 کے وی لاڑکانہ نیو سب سٹیشن دی تعمیر کیتے5804.95 ملین روپے دا پیش کیتا گیا جیں کوں حتمی منظوری کیتے ایکنک بھجوا ڈتا گے ۔اجلاس اچ تریجھا منصوبہ بلوچستان دے علاقے اچ شمسی توانائی توں پانڑیں کڈھنڑ کیتے فزیبلٹی سٹڈی کیتے 195.19 ملین روپے دی لاگت دا منصوبہ پیش کیتا گے جیں کوں اجلاس منظور کر گھدا ۔
ملک اچ توانائی دے مسلیں تے قابو پاونڑ کیتے ٹرانسمیشن لائنز اتے گرڈ سٹیشنز سمیت بئے آلات دی اپ گریڈیشن کیتی ویندی پئی اے ، مخدوم خسرو بختیار
مضمون کا ماخذ : loterias da caixa
متعلقہ مضامین
