اسلام آباد ۔ 28 نومبر (اے پی پی) وزیراعظم عمران خان آکھیے جو پاکستان سارے ملکاں نال چنگے تعلقات چاہندے اتے مصالحت دا کردار ادا کریندا پئے،ملک اچ جمہوریت تکڑی تھیندی پئی اے اتے ادارے ہک بئے دا احترام کریندن،ملک اچ فساد چاہنڑ آلیاں کوں ناکامی تھئی اے،پاکستان اوکھے ویلھے اچوں نکل تے تیزی نال اگو تے ودھدا پئے،ہنڑ کوئی طاقت ساکوں ترقی کرنڑ توں نئیں ڈک سگدی۔ اے گالھ وزیراعظم عمران خان اسلام آباد اچ ڈو ڈیہاڑی افریقی ملکاں کیتے پاکستان دے سفراءدی کانفرنس دے اختتامی سیشن نال خطاب اچ آکھی۔وزیراعظم آکھیے جوجموہریت دے تسلسل،ملکی ترقی اتے معاشی استحکام کیتے میرٹ ودھاونڑ اتے کرپشن مکاونڑ اہمیت رکھدے، اجوکی حکومت میرت،شفافیت کوںفروغ ڈتے،مدینہ دی ریاست اچ وی پسند ناپسنددی بجائے جمہوری کلچرہا۔ انہاںا ٓکھیے جو سمندر پار پاکستانیز ساڈا اثاثہ ہین،برآمدات اتے ترسیلات زرودھاونڑ کیتے سفارتکاری پالیسی تے ٹردے پئے ہیں،ایں سانگے بیرون ملک پاکستانی اتے ساڈے سفیراہم کرداراداکریندے پین۔وزیراعظم آکھیے جو پاکستان دی معیشت مستحکم تھیندی پئی اے، پاکستانی روپے دی قدر اتے سٹاک ایکس چینج اچ بہتری آندی پئی اے،پاکستان افریقی ملکاں نال تجارت اتے سرمایہ کاری ودھاونڑچاہندے۔ انہاں آکھیے جوپاکستان کوں کہیں بئے کیتے استعمال نہ تھیونڑا چاہیدا ہا تہوں اساں ترقی نسے کرسگیے بھل ہنڑ اے پالیسی اپنڑائی اے جواگو تے ہر کہیں نال چنگے تعلقات رکھڑن،اساں ہنڑ کہیں مسلے اچ فریق بنڑن دی بجائے ثالث دا کردار ادا کرنڑ دی کوشش کریسوں،ساکوں ہنڑ ڈوہے پاسو کھیڈنڑاتے ڈو مور دا سامنڑانہ کرنڑا پوسی۔´وزیراعظم آکھیے جو ملک کوں دھرنے اتے اجوکے مقدمے دے ذریعے عدم استحکام وات کرنڑ دی کوشش کیتی گئی اے،مسلہ کشمیر دی کاز کوں نقصان پجیے،بھارت اچ خوشیاں منایاں گین کیوں جو پاکستان دے مضبوط ادارے بھارت کوں ہک اکھ نئیں بھاندے جڈاں جو ملکی دولت لٹنڑآلیاں کوں وی عدم استحکام اچ ناکامی تے مایوسی تھئی اے،اساں عدلیہ سودھے سارے ملکی اداریاں کوں مضبوط کریسوں ۔
پاکستان جگ نال چنگے تعلقات چاہندے،پاکستان اوکھے ویلھے اچوں نکل تے تیزی نال اگو تے ودھدا پئے،ہنڑ کوئی طاقت ساکوں ترقی کرنڑ توں نئیں روک سگدی،وزیراعظم عمران خان دا افریقی ملکاں کیتے پاکستان دے سفراءدی کانفرنس نال خطاب
مضمون کا ماخذ : لاٹری کی پیشن گوئی
متعلقہ مضامین
