اسلام آباد، ملتان ۔ 30 نومبر (اے پی پی) وزیر خارجہ مخدوم شاہ محمود قریشی آکھیے جو کشمیریاں دی حق خودارادیت دی حمایت جاری رکھسوں، بھارت دے غیرقانونی اقدامات جنوبی ایشیاءاچ امن اتے ترقی کون نقصان پچیندے پین،انتہا پسند ہندو جماعت بی جے بی دی کامیابی اتے جابرانہ ذہنیت پاکستان اتے خطے کوں ودھ خطرات اچ ولھیٹ ڈتے۔اے گالھ انہاں ایئر یونیورسٹی ملتان دے سالانہ کانووکیشن اچ خطاب کریندے آکھی جتھاں او مہمان خصوصی ہن۔انہاں تعلیم دی ترقی اچ ایئریونیورسٹی دے کردار دی تعریف کریندے آکھیے جو تعلیم دے نال نال محنت، لگن اتے جذبہ انسان دی تعمیر و ترقی اچ اہم کردار ادا کریندے،پیشہ ورانہ مہارت دا حصول عملی جیونڑاچ کامیابی دا ضامن اے،اکیویں صدی اچ گلوبلائزڈ ورلڈ دا تصور اگونہا تھئے جئیں ہر شے کوں جدے ڈتی اے اتے بدل تے رکھ ڈتے،ورلڈ وائیڈ ویب ، علمی اقتصادیات،معلومات دی ترسیل اتے انفارمیشن ٹیکنالوجی جیونڑ بدل ڈتےاتے جگ “گلوبل ویلیج” بنڑچکیے۔وزیر خٓرجہا ٓکھیے جو کرتار پور راہداری کھول تے وزیراعظم پور جگ کوں سنیہا ڈتے جو پاکستان قائداعظم دے ویژن دے مطابق مذہبی آزادی اتے رواداری تے ٹردا پئے،نینگر قائد اعظم دے اصول اپناون اتے جگ اچ ترقی کیتے کردار اداکرن،وزیراعظم نینگراں کوں اپنڑے پیرین تے کھڑا کرنڑ کیتے ہی “کامیاب نوجوان” پروگرام شروع کیتے۔چھیکڑ تے وزیرخارجہ اتے پاک فضائیہ دے سربراہ ایئرچیف مجاہدانورخان پاس تھیونڑ آلے 493 گریجوایٹس اچ میڈل اتے ڈگریاں ونڈین۔
بھارت دے غیرقانونی اقدامات جنوبی ایشیاءاچ امن اتے ترقی کون نقصان پچیندے پین،وزیر خارجہ شاہ محمود قریشی دا ایئر یونیورسٹی ملتان دے سالانہ کانووکیشن نال خطاب
مضمون کا ماخذ : ڈریگن کی قسمت
متعلقہ مضامین
