اسلام آباد۔12جنوری(اے پی پی) صدر ډاكټر عارف علوي وئيلي دي موجوده حكومت هېواد د اقتصادي ستونزې څخه د ويستلو هڅې كوي٬ په سخت اقتصادي صورتحال كښې دا د ټولو ذمه واري ده چې پاكستان له دې ستونزمند حالت څخه راوباسي٬ سياستمدار دې په دې يو بل سره خبرې وكړي دغسې چې معاشي پالېسۍ او د ټول ټاكنو صورتحال په ډاګه شي ٬ د معيشت پياوړتيا لپاره دا ضروري ده چې په پاكستان كښې سياسي درجه حرارت ښكته شي او استحكام لپاره په ځينو چارو مواقفه وكړې شي۔ د دې خيالاتو څرګندونه ده له برتانېي نشراتي ادارې بي بي سي سره په يوه مرکه کښې وکړه۔ ده ووئيل كه د سياسي ګوندونو پشمول ټولو اختلافات يو خواته كولو سره خبرې پېل نه كړې نو معاشي حالات نور هم ناوړه كېدے شي۔ د هېواد سياسي درجه حرارت كمولو له ټولو اړخونو ته د برو اترو وړاندېز وركوم۔ صدر مملكت ووئيل دا د ټاكنو كال دے ٬ ټاكنې بايد وكړې شي ٬ په دې بايد سياسي ګوندونه خپلو كښې خبره وكړي چې ټاكنې زر كول دي يا وروستو۔ كه د څو مياشتو د فرق مسئله وي نو هغه دې هم د خبرو اترو د لارې لرې كړې شي دغسې چې د معيشت او اولس خېر ښېګړې له كار وكړې شي۔ ده ووئيل خبرې بايد د ټول ټاكنو څخه وړاندې وكړې شي۔ صدر ډاكټر عارف علوي د حكومتي اتحاد او پي ټي آئي ترمينځه د خبرو وړاندېز كولو سره ووئيل زما وړاندېز دا دے چې دئي دې يو بل سره كښېني٬ سياسي ګوندونه دې خپلو كښې خبره وكړي٬ دې څخه وروستو د ګوند مشران هم يو بل سره ملاقات كولې شي۔ صدر ووئيل زمونږ په هېواد كښې پرېكړه كوؤنكي كسان سوشل ميډيا په صحيح ډول نه كاروي ٬ دوي بايد دا په غوره ډول وكاروي۔ ده ووئيل د صدر په حېث دا زما ذمه واري ده چې وفاق يو اوساتم۔ صدر مملكت ووئيل دې څخه وړاندې شوي مشاورت كښې عمران خان د جنرل عاصم منېر د پوځ سرلښكر په توګه په ټاكلے كېدو د اطمينان څرګندونه كړې وه بيا هم زه د عمران خان او د موجوده مشرتابه ترمينځه د خبرو سبب جوړېدل نه غواړم۔ صدر ووئيل د كرپشن تورونو لګېدو په صورت بايد د غېر سياسي ٬ بې پرې او بااختياره ادارې لخوا پلټنې وكړې شي۔ ده ووئيل زما رائے دا ده چې د ټولو تورونو غېر سياسي پلتنې يو مثبت ګام دے۔ په هېواد كښې د څه مودې نه د روانو آډيو ٬ وېډيو ليكس په څير د سكېنډلز په اړه خپلو خبرو كښې صدر ووئيل ما په دې حقله په پارليمان كښې دوه وارې وېنا كړې او ما دا وئيلي دي چې دا كار د اخلاقيات په ضد دے٬ د اسلامي او اولسي اقدارو په اعتبار سره د ذاتي خبرو بهر ته راويستل د قبلولو وړ نه دي٬ دا يواځې په هغه صورت ممكن ده چې خبره د ترهګرۍ يا كوم مجرمانه كار وي۔ ده ووئيل يو داسې اداره ضروري ده چې هغه د دې چارو نګراني وكړي۔ د هېواد معاشي صورتحال په اړه خپلو خبرو كښې ده ووئيل موجودہ حکومت په دې سخت دور كښې في الحال معاشي بقاﺀ لپاره پالېسۍ جوړوي۔ ده ووئيل موجوده حكومت هېواد د معاشي ستونزو څخه ويستلو له هڅې كوي۔ صدر مملكت ووئيل د كورونا وائرس نړيوالې وبا څخه وروستو پېل شوې دا معاشي ستونزه د يوكرېن جنګ او د پاكستان په سياست كښې د بې ثباتۍ د لاسه لا پېچلې شوې ٬ پاكستان كښې راغلو اوسنو سېلابونو هم معيشت ته ډېر زيات زيان رسولے ۔ ده ووئيل د موجوده حكومت معاشي پالېسۍ في الحال معاشي بقاﺀ لپاره دي٬ آئي اېم اېف سره خبرې روانې دي او زه دا محسوسوم چې آئي اېم اېف سره د روانو خبرو بېلو پراونو به ډېرې ګټورې نيجې رامخې ته شي۔ د هېواد د معيشت د موجوده صورتحال ذكر كولو سره ده ووئيل د ټولو برخو ذمه واري ده چې پاكستان سختو حالاتو څخه اوباسي۔ ده ووئيل په جمهوريت كښې اختلافات وي خو ډوبېدونكې كشتۍ د اوبو نه ويستل ضروري شوي دي۔
حكومت د هېواد د معاشي ستونزې لرې كولو هڅې كوي ٬ د صدر ډاكټر عارف علوي بي بي سي سره مركه
مضمون کا ماخذ : لاٹری ٹکٹ کی دستیابی
متعلقہ مضامین
