اسلام آباد ۔ 08نومبر(اے پی پی) وزیر دفاع پرویز خٹک آکھیے جوعلی امین گنڈا پور مولانا فضل الرحمان کوں الیکشن لڑنڑ دا چیلنج کیتے‘ اگر ہمت ہے تاں مقابلہ کرتے ڈکھالن ۔اگر اے آئین تے جمہوریت دے پاسدار ہن تاں آون اساڈے نال مذاکرتی میز تے بہہ تے گال کرن ،اگر اے اکھیندن جو اے وقت گزریندے پن تاں اساں وی انہاں کوں اکھیندوں جو اساں وی انہاں نال ٹائم پاس کریندے پیوں ،بے شک دھرنا ڈیون مگر پاکستان کوں ضیان نہ پجاون ،اگر اے پاکستان کوں ترقی دے رستے تے ٹریندے توں لوک انہاں کوں مسترد نہ کریندے ۔آئین اچ آرڈیننساں دے ذریعے قانون سازی دی گنجائش موجود اے ۔جمعے کوں قومی اسمبلی اچ گال کریندے ہوئیں وزیر دفاع پرویز خٹک آکھیے جو میکوں وزیراعظم مذاکراتی کمیٹی دا سربراہ بنڑائے تے میکوں اختیار ڈتے جو میں جیں کوں چاہواں کمیٹی اچ رلا گھناں ۔ایندی وجہ اے ہئی جو میکوں سہولت کاری درکار ہئی میں ایجھی ٹیم بنڑاونڑ چاہندا ہم جو انہاں کوں اعتماد ہووے جو اساں مسئلے دا حل چاہندوں،انہاں آکھیے جو اج اے جمہوریت دی گال تے قانون دی گال کریندن اساکوں جمہوریت تے قانون سکھیندے پن ،میں ہر دور اچ ڈٹھے جو میں انہاں دی شکل پشیماں تے شرمندہ ہن ایں کیتے وزارت چھوڑ تے عمران خان نال رلیاں ۔میں چاہندا ہم جو ایماندار لیڈر آوے پاکستان کوں بدالے۔
علی امین گنڈا پور مولانا فضل الرحمان کوں الیکشن لڑنڑ دا چیلنج کیتے‘ اگر ہمت ہے تاں مقابلہ کرتے ڈکھالن ‘ وزیر دفاع پرویز خٹک
مضمون کا ماخذ : میگا ملینز کا بونس
متعلقہ مضامین
