اسلام آباد ۔ 15 نومبر (اے پی پی) وزیر اعظم عمران خان آکھیے جو ملک لمبی مدت دی منصوبہ بندی نہ ہوونڑ پاروں ماضی اچ ترقی نی کرسگیا ،پن بجلی دی بجائے مہانگی بجلی دے منصوبے شروع کیتے ویندے رہین ۔موجودہ حکومت دے 14مہینے اچ معیشت تے روپے دی قدر مستحکم تھئی اے ،سٹاک مارکیٹ ترقی کریندی پئی اے ،کرنٹ اکاﺅنٹ خسارے اچ کمی تے برآمدات اچ ودھارا تھئے ، سرمایہ کاراں دا اعتماد ودھدا پئے ،بجلی چوری روکنڑ نال ہک سال اچ 120ارب اضافی وصول کیتے گن ،ہوا نال بجلی دی پیداوار نہ صرف ماحول دوست بلکہ سستی وی ہوسی ،گلوبل وارمنگ نال پاکستان متاثر تھی سگدے ،ایں مسئلے تے توجہ کرنڑیں ہوسی ،اے گال انہاں پاکستان اچ ہوا نال بجلی دی پیداوار دے 310میگاواٹ دے منصوبیں دے معاہدے تے دستخط دی تقریب نال خطاب کریندے ہوئیں آکھی اے ۔وزیراعظم آکھیے جو ماحول دوست منصوبیں دے معاہدیں نال انہاں کوں خوشی تھئی اے ۔انہاں آکھیے جو چین دنیا اچ تکھے ترقی کرنڑ آلا ملک اے اوں 30سال اچ 30کروڑ لوکاں کوں غربت اچوں کڈھیے جیرھا جو ہک معجزہ اے ۔انہاں آکھیے جو اساڈی بدقسمتی اے جو اتھاں مختصر مدت دی منصوبہ بندی لاتی ویندی رہی اے جیرھی وی حکومت آئی اوں لمبی مدت حکمت عملی بنڑاونڑ دی بجائے انتخابات اچ کامیابی کیتے مختصر مدت دی حکمت عملی اپنا تے کروڑاں خرچ کیتے ۔ برصغیر اچ ساریں توں مہانگی بجلی اساں بنڑیندے پیوں جڈاں تئیں سستی بجلی نہ بنڑیسوں صنعتی ترقی نہ تھیسی،انہاں آکھیے جو سنگا پور دی برآمدات 300 ارب ڈالر ہن۔ 60ءدی دہائی اچ اساں ترقی اچ اگوں ہاسے لیکن لیکن لمبی مدت منصوبہ بندی نہ ہوونڑ پاروں پچھوں رہ گیوں ۔انہاں آکھیے جو گلوبل وارمنگ ہک وڈا چیلنج اے تے ایندے توں متاثرہ ملکاں اچ پاکستان 8 ویں نمبرتے ہے ۔ اساڈے ملک اچ پانڑیں دا مسئلہ پہلے توں موجود اے اساکوں ایں پاسے توجہ کرنڑیں ہوسی ۔
موجودہ حکومت دے 14 مہینے اچ معیشت اتے روپے دی قدر مستحکم تھئی اے ،سٹاک مارکیٹ ترقی کریندی پئی اے ، وزیراعظم عمران خان
مضمون کا ماخذ : prêmios raspadinha
متعلقہ مضامین
