اسلام آباد ۔ 12 جون (اے پی پی) سپریم کورٹ پرائیوٹ سکولاں دی فیساں گھنڑ توں متعلق کیس اچ لہور ہائیکورٹ دافیصلہ کالعدم قرار ڈے ڈتے، سندھ ہائیکورٹ دے فل بینچ دافیصلہ برقرار رکھیے۔سپریم کورٹ واضح کیتے جونجی سکولاں دی فیساں اچ سالانہ پنج فیصد ودھارا تھیسی،عدالت فیساں اچ20 فیصد گھٹکی کرنڑ سمیت سارے عبوری احکامات واپس گھن گھدے اتے ہدایت کیتی جو نجی سکول فیس گھٹ کرنڑ دے فیصلے دے بعد توں گھن تے ہنڑ تئیں گھٹ کیتی گی فیس بقائے دے طور تے وصول نہ کرنڑ۔ نجی سکول صرف قنون مطابق فیس گھن سگدن ۔ ایں گالھ دا ذکر بہوں ضروری ہے جو چیف جسٹس آصف سعید کھوسہ دی سربراہی اچ ترائے رکنی بنچ دے جج جسٹس فیصل عرب فیساں اچ پنج فیصد ودھارے دی گالھ تے اختلاف کیتا۔
مضمون کا ماخذ : لاٹوفاسیل
