اسلام آباد ۔ یکم اگست (اے پی پی) وزیراعظم عمران خان گزریل شام سعودی عرب دے ولی عہد شہزادہ محمد بن سلمان کوں ٹیلی فون کیتا تے انہاں دے چاچے شہزادہ بندر بن عبدالعزیز السعود دی فوتگی تے تعزیت کیتی۔ وزیراعظم آفس توں جاری بیان دے مطابق وزیراعظم سعودی ولی عہد دے اجوکے دورہ پاکستان دا ذکر کریندے ہوئیں پاکستان کیتے سعودی عرب دی مضبوط سیاسی اتے اقتصادی حمایت تے شکریہ اداکیتا۔ ڈوہیں رہنماواں پاک سعودی نیڑے برادرانہ تعلقات کوں اجاگر کریندے ہوئیں ڈو پاسے تعلقات دے سارے شعبیں تے محیط مضبوط شراکت داری کوں مزید ودھاونڑ دے عزم دا اعادہ کیتا ۔انہاں سانجھی دلچسپی دے سارے امور تے مشاورت جاری رکھنڑ تے وی اتفاق کیتا ۔ شہزادہ محمد بن سلمان وزیراعظم کوں اقوام متحدہ جنرل اسمبلی دے اجلاس اچ شرکت کیتے نیویارک ویندے ہوئیں یا واپسی دے دوران سعودی عرب دا دورہ کرنڑ دی دعوت وی ڈتی۔
