منیلا۔ 06 دسمبر (اے پی پی) ایشیائی ترقیاتی بنک پاکستان کیتے ہک ارب ڈالر دی وختی بجٹ سپورٹ دی منظوری ڈے ڈتی اے ۔ ایشیائی ترقیاتی بنک دے مطابق ہک ارب ڈالر دی بجٹ سپورٹ نال پاکستان دے زرمبادلہ دے ذخیرے ودھ ویسن ، مالیاتی شعبے اچ بہتری آسی تے معاشی استحکام تکڑا تھیسی ۔بنک آکھیے جو وختی بجٹ دی منظوری نال پاکستان ولوں جاری گھاٹے تے قابو پاونڑ ، ریونیو اچ ودھارا تے مستحق طبقے دے تحفظ ودھاونڑ دے اقدامات تے انہاں دے کامیاب نتیجے پاروں ممکن تھئی اے ۔ ایشیائی ترقیاتی بنک پاکستان کیتے بجٹ سپورٹ دے علاوہ توانائی دے شعبے دے اصلاحاتی پروگرام کیتے 30کروڑ ڈالر قرضے دی وی منظوری ڈتی اے ۔ اے رقم طرز حکمرانی اتے بنیادی ڈھانچے اچ بہتری سمیت پالیسی رکاوٹاں کوں ہٹاونڑ کیتے ڈتی ویسی ۔
مضمون کا ماخذ : jogos de raspadinha
