گوا۔5مئی(اے پی پی) د پاکستان خارجه وزير بلاول بهټو زرداري وئيلي دي چې پاکستان د دوه اړخيزه اعتماد ٬ مساواتو ٬ كلتوري تنوع په احترام او د شېنګهائي تعاون تنظيم په اصل روح کښې موجود د ګډ پرمختګ ترلاسه كولو په اصولو كلك باور لري او په دې بشپړه عمل كوي٬ ګډ پرمختګ لپاره سيمه ايز او اقتصادي تړون زيات ضروري دے۔ پاكستان شنګھائي تعاون تنظيم يو مهم سیمه ایز پلېټ فارم ګڼي، د ګډ پرمختګ اصول ٬ سيمه ايز او اقتصادي تړون او مرسته د پاكستان وژن سره همغږي لري۔ خارجه وزير ددې خيالاتو څرګندونه د جمعې په ورځ د هند په ګوا ښاره كښې د اې سي او د خارجه وزيرانو كونسل غونډې ته خطاب كښې وكړه۔ د اېس سي او د خارجه وزيرانو كونسل چيئرمېن ډاكټر اېس جے شنكر ٬ د اېس سي او غړو هېوادونو خارجه وزيرانو او د اېس سي او عمومي سېكتر په غونډه كښې ګډون وكړو۔ ده ووئيل د اېس سي او غونډه كښې د پاكستان نمائندګي زما لپاره د درناوي خبره ده۔ ده ووئيل د ګډ اقتصادي وژن پرمختګ لپاره په اجتماعي رابطو كښې سرمايه كارۍ ضروري ده۔ ده ووئيل سي پېك د منځنۍ آسيا رياستونو ته د تجارتي راهدارۍ غوره موقعه وركوي۔ خارجه وزير ووئيل پاكستان د ترهګرۍ ختمولو هڅو برخه جوړېدو عزم لري٬ د افغانستان صورتحال د نوې چېلنجونو سره سره موقعې هم رامخې ته كوي۔ بلاول بھټو زرداری د پاكستان هغه غوښتنه تكرار كړه چې نړيواله ورورولي دې عبوري افغان حكومت سره خبرې وكړي دغسې چې هغه د پېښو په اړه په صحيح توګه خبر شي۔ ده ووئيل افغانستان لوي طاقتونو لپاره د جنګ مېدان پاتے شوے دے ٬ مونږ بايد د افغانستان په اړه د تېر وخت تېروتنې تكرار نه كړؤ۔ خارجه وزير ووئيل نړيواله ورورولي دې د سياسي شموليت نړيوالو اصولو عملي كولو او انجونو ته د زده كړو حق وركولو په شمول د ټولو افغان وګړو د حقونو احترام كولو له په افغان چارواكو زور راوړل روان وساتي ٬ دې سره سره دې نړيواله ورورولي د سيمې او ګردې نړۍ سلامتيا لپاره د ترهګرۍ مخنيوي صلاحيت زياتولو كښې د افغانستان مرسته هم وكړي۔ ده ووئيل دا خبره د اندېښنې وړ ده چې د نړيوالې ورورولۍ په مقابله كښې په افغانستان كښې ترهګرې ډلې د يو بل زياته مرسته كوي۔ ده ووئيل پاكستان افغان چارواكو څخه دا غوښتنه كوي چې هغه دې ترهګرۍ لپاره د خپلې خاورې نه كارول كېدو خپل لوظونه وپالي۔ ده نړيوالې ورورولۍ څخه غوښتنه وكړه چې هغه دې د امنيتي اندېښنو لرې كولو له كار وكري دغسې چې نه يوازې د افغانستان بلكې د ټولې سيمې د حقيقي صلاحيتونو څخه استفاده وكړې شي۔ خارجه وزير ووئيل يو سولييز او مستحكم افغانستان نه يوازې سيمه ايز انضمام او اقتصادي مرستې بلكې نړيوال امن او استحكام له هم ضروري دے۔ ده ووئيل باور لرم چې اېس سی او افغانستان رابطه ګروپ افغانستان سره عملي مرسته داومداره كولو كښې مهم كردار ترسره كولې شي۔ خارجه وزير بلاول بھټو زداري د سعودي عربستان او ايران ترمينځه اختلافات لرې كولو له د چين اوسنې كردار د ستائنې وړ ګرځولو سره ووئيل چې دواړه هېوادونه اېس سي او سره تړون لري۔ ده ووئيل مونږ له به په اېس سي او كښې په نړيواله توګه د منلې شويو اصولو احترام باوري كول وي۔ بلاول بھټو زرداری ووئيل پاكستان شنګھائی تعاون تنظیم يو مهم سيمه ايز پلېټ فارم ګڼي په كوم كښې چې هغه هېوادونه شامل دي كوم چې په پخوانو تاريخي ٬ كلتوري او جغرافيائي خپلولو يو بل سره تړلې دي۔ خارجه زير موسمياتي بحران انسانيت ته پېښ خطر ګرځولو سره په موسمياتي بدلون اېس سي او كښې د ګډې وركنګ ګروپ جوړولو وړاندېز وركړو۔ ده په دې خبره زور راوړو چې كره ارض د موسمياتي تباه كارو څخه ساتلو له به نړيوالې ورورولۍ له يو موټې كېدل وي۔ ده په پرمختګ كړې نړۍ زور راوړو چې هغه دې موسمیاتی فنانس لپاره د كال 100 ارب ډالرو وركولو عزم وكړي۔ خارجه وزير ايران ته مباركي وركړه كوم به چې ډېر زر د اېس سي او غړے جوړ شي۔ ده د اېس سي او نوے ډائيلاګ پارټنرز په توګه بحرېن، کوېت، مالدیپ، میانمار او متحدہ عرب امارات ته هركلے ووے۔ ده وئيل سيمه اوس هم بې وزلۍ سره مخ ده٬ پاكستان په بے نظیر انکم سپورټ پروګرام وياړ لري كوم چې مېرمنې په خپلو پښو اودرولو سره سره د بې وزلۍ په ختمولو كښې يو خاموش انقلاب پېل كړو۔ ده د پاكستان لخوا وړاندېز وركړو چې د بې وزلۍ ختمولو له د خصوصی ورکنګ ګروپ جوړول به په دې لړ كښې يو مهم ګام وي۔ خارجه وزير د منطقې اجتماعي سلامتيا د ګډې ذمه واري ګرځولو سره ووئيل د ترهګرۍ دلاسه نړيواله سلامتيا خطرو سره مخ ده۔ ده ګډون كوؤنكو ته دا خبره په ګوته كړه چې هغه د هغه ځوي په توګه خبره كوي د چا مور چې ترهګرو وژلې ده۔ ده ووئيل د دې دړد زه محسوسوم۔ ده ووئيل پاكستان د دې لعنت ختمولو له د سيمه ايزو او نړيوالو هڅو برخه جوړېدو عزم لري۔ ده ووئيل مونږ له په ګډه د دې چېلنج مقابله كول وي۔ ده په رياستي سرپرستۍ كښې د ترهګرۍ په شمول د هر ډول ترهګرۍ غندنه كولو سره ووئيل چې اېس سی او به لا پياوړې كول وي دغسې چې امن او سلامتيا مخ په وړاندې بوتللو سره د خطرو مخنيوي په بشپړه ډول وكړې شي۔ ده د اېس سي او هدفونو او مقصد لپاره د پاكستان د بشپړه ملاتړ عزم تكرارولو سره ووئيل اېس سی او د نړۍ د 40 فيصده څخه د زياتې آبادۍ او د جي ډي پي نزدې د څلورمې برخې نمائندګي كوي۔ ده ووئيل اېس سی او د سباؤن نمائندګي كوي ٬ كه مونږ د دې ترلاسه كولو له په ګډه كار وكړو نو دا به مونږ ټولو له يو په زړه پورې او سوكاله سباؤن وي۔(MWA/MWA/1708)
پاکستان د دوه اړخيزه باور٬ مساواتو ٬ كلتوري تنوع په احترام او د شينګهائي مرستې تنظيم په اصل روح کښې موجود د ګډ پرمختګ ترلاسه كولو په اصولو كلك باور لري٬ د خارجه وزير بلاول بھټو زرداري د ايس سي او خارجه وزيرانو كونسل غونډې ته خطاب
مضمون کا ماخذ : پاور بال جیتنے کے طریقے
متعلقہ مضامین
