پاکستان امن پسند ملک ہے جیرھا جو اپنڑے اقتصادی تے سیکورٹی مفادات دے حصول سانگے کوشاں ہے،موجود صورت حال اچ ہک مضبوط بحری فورس دی ضرورت پہلے دی نسبت ودھ شدت دے نال محسوس کیتی ویندی پئی ہے
لاہور۔24 مئی (اے پی پی )پاکستان امن پسند ملک ہے جیرھا جو اپنڑے اقتصادی تے سیکورٹی مفادات دے حصول سانگے کوشاں ہے،موجود صورت حال اچ ہک مضبوط بحری فورس دی ضرورت پہلے دی نسبت ودھ شدت دے نال محسوس کیتی ویندی پئی ہے ایں گالھ دااظہار 46ویں پاکستان نیوی سٹاف کورس دے کانووکیشن توں خطاب دے دوران پاک بحریہ دے سربراہ ایڈمرل محمد ذکاءاللہ کیتا۔ 46ویں پاکستان نیوی سٹاف کورس دے کانووکیشن دی تقریب پاکستان نیوی وار کالج لاہوراچ تھی۔پاک بحریہ دے سربراہ ایڈمرل محمد ذکاءاللہ تقریب دے مہمان خصوصی ہن۔مہمان خصوصی پاک بحریہ ،پاک آرمی، پاک فضائیہ دے 43اتے دوست ملکاںاردن، انڈونیشیا ،بنگلہ دیش ،چین ،سری لنکا ،سعودی عرب، متحدہ عرب امارات، ملائیشیا، مصر ،میانمر اتے نائیجریا دے 20افسراں کوں وار سٹیڈیز (میری ٹائم) اچ ماسٹرز دیاں ڈگریاں تفویض کیتیاں۔تقریب توں خطاب کریندے ہوئیں ایڈمرل محمد ذکاءاللہ آکھیا جو وسائل تے اثر رسوخ دی تلاش تغیر پذیر تے غیر یقینی دنیا اچ ہمسری تے نویں صف بندیاں کوں جنم ڈیندی ہے ،اساڈے خطے دے ملکاں دی توجہ سمندر دے پاسے تھیندی پئی ہے تے بحری فوج کوں اسٹریٹجک تے روایتی انداز نال ترقی ڈیونڑ سانگے ودھ ساری سرمایہ کاری کیتی ویندی پئی ہے ۔
پاک بحریہ دے سربراہ ایڈمرل محمد ذکاءاللہ دا 46ویں پاکستان نیوی سٹاف کورس دے کانووکیشن دی تقریب توں خطاب
مضمون کا ماخذ : ٹکی انماد
متعلقہ مضامین
