وزیراعظم دے مشیر برائے خزانہ عبدالحفیظ شیخ قوم کوں خوشخبری سنڑیندے آکھیے جو ڈکھ دے ڈینہہ مکنڑ آلے ہین،آندا سال چنگائی دا ہوسی،حتمی تھیونڑ تئیں آئی ایم ایف معاہدے منظر عام تے نسے آن سگدے،معیشت دی چنگائی کیتے بہوں اوکھے فیصلے کیتن، آندے چھی توں بارہاں مہینے تئیں حالات چنگے تھی ویسن،مہانگ مکاونڑ اتے روزگار ڈیونڑ ترجیح اے۔اسلام آباد اچ وفاقی وزرا اتے معاونین خصوصی دے رلے مشترکہ پریس کانفرنس کریندے ہوئے مشیر خزانہ عبدالحفیظ شیخ دا آکھنڑ ہا جو حکومت چنگے معاشی فیصلے کرتے ملک دے گردشی قرض اچ ماہانہ 12 ارب روپے تک دی کمی کیتی اے،آندے چھی مہینے اچ بئے وی چنگے فیصلے کیتے ویسن،اجوکی حکومت توں پہلے گردشی قرضیاں اچ ماہانہ 36 ارب روپے ودھارا تھیندا پیا ہا بھل وزیر اعظم عمران خان دیاں پالیسیاں پاروں ایندے اچ ماہانہ 12 ارب روپے کمی کر دتی گئی اے،این ویلھے گردشی قرضاں اچ ماہانہ 26 ارب روپے ودھاراتھیندا پئے،جیکوںا ٓندے کجھ مہینے اچ گھٹ کر تے ماہانہ 8 ارب روپے تئین گھن آیا ویسی اتے 2020 دے چھیکڑ تئیں اے بالکل صفر کر گھدے ویسن۔ انہاں آئی ایم ایف کولوں قرض تے بھاری سود دا تاثر مسترد کریندےا ٓکھیے جوایندی شرح صرف ترائے عشاریہ ڈو فیصد ہوندی اے،ایندے نال ملک اچ سرمایہ کاری ودھسی۔ انہاں آکھیے جو کجھ مہینے بعد معیشت دی چنگائی دے بئے فیصلے کریسوں تاں جو غریباں کوں سوکھ ملے۔ٹیکس آمدن ودھائی ویسی،جیکر امیر طبقہ ساڈا ہتھ نہ ونڈیسی تاں اوکھ توں نہ نکل سگسوں تہوں ٹیکس ایمنسٹی سکیم ڈتی اے،ٹیکس ڈیونڑ آلیاں تے ودھ بھار نہ سٹیا ویسی،لکنڑ آلیاں کوں ودھ ٹیکس لیسوں جیندے کیتے ساراڈیٹا کٹھا کر گھدا گئے۔
ڈکھ دے ڈینہہ مکنڑ آلے ہین،آندا سال چنگائی دا ہوسی، مشیر خزانہ خوشخبری سنڑا ڈتی
مضمون کا ماخذ : ٹربو چارج
متعلقہ مضامین
