نیویارک ۔ 23 ستمبر (اے پی پی)پاکستان اتے چین خطے اچ امن واستحکام سانگے تعاون جاری رکھنڑ دے عزم دا اعادہ کیتے۔ ایں عزم دا اعادہ وزیر خارجہ مخدوم شاہ محمود قریشی دی اقوام متحدہ ہیڈکوارٹرز اچ جنرل اسمبلی دے 74ویں اجلاس دے موقع تے چینی وزیر خارجہ وانگ ژی نال ملاقات اچ کیتا گیا۔ ملاقات اچ ڈوہائیں وزرا خارجہ وچال سانجھی دلچسپی دے امور، خطے اتے عالمی صورتحال بارے گالھ مہاڑ کیتی۔ وزیر خارجہ شاہ محمود قریشی آکھیا جو چین دے تعلقات پاکستان دی خارجہ پالیسی دا اہم ترین جز ہن۔ انہاں آکھیا جو بھارت دے یکطرفہ اقدام اتے مقبوضہ جموں و کشمیر دی تشویشناک صورتحال بارے چین دا تعاون تعریف دے قابل ہے۔ مخدوم شاہ محمود قریشی آکھیا جو ہندوستان ولوں مقبوضہ جموں و کشمیر اچ مسلسل کرفیو دی آڑ اچ انسانی حقوق دی سنگین خلاف ورزیاں دا سلسلہ جاری ہے۔ ڈوہائیں ملکاں دے وزراءخارجہ خطے دے امن واستحکام سانگے تعاون جاری رکھنڑ دے عزم دا اعادہ کیتا۔
وزیر خارجہ شاہ محمود قریشی نال چینی وزیر خارجہ وانگ ژی دی ملاقات، پاکستان اتے چین دا خطہ دے امن واستحکام کیتے تعاون جاری رکھنڑ دے عزم دا اعادہ
مضمون کا ماخذ : لاٹری ٹکٹ کی قیمت
متعلقہ مضامین
