راولپنڈی۔5مئی (اے پی پی)آرمی چیف جنرل قمر جاوید باجوہ پاک سعودی مسلح افواج وچال دفاعی تعاون ودھاوݨ تے زور ݙیندے آکھیے جو ایندے نال خطے دے امن تے چنڳے اثرات پوسن۔ آئی ایس پی آر موجب آرمی چیف جنرل قمر جاوید اے ڳالھ دورہ سعودی عرب دے موقع تے سعودی چیف آف جنرل سٹاف نال ملݨ ویلھے آکھی۔ انہاں دفاعی تعاون خطے دی سلامتی صورتحال، باہمی دلچسپی دے معاملیاں تے الایا۔ انہاں افغان امن عمل اچ پیشرفت، پاک سعودی عرب دفاعی شعباں اچ ڳانݙھا ودھاوݨ تے وی ڳالھ مہاڑ تھئی۔ سعودی عرب دی مسلح افواج دے سربراہ آرمی چیف دے جذبات تے شکریہ ادا کریندے انھاں کوں خطے دے امن کیتے مکمل تعاون دی یقین دہانی کرائی۔ پاک فوج دے سپہ سالار جنرل قمر جاوید باجوہ منگل کوں ݙو ݙینھ دے دورے تے سعودی عرب پڄیے ہن۔
مضمون کا ماخذ : prêmios raspadinha
