اسلام آباد ۔ 10 اپریل (اے پی پی) وزیر خارجہ مخدوم شاہ محمود قریشی جنوبی کوریا دی وزیرِ خارجہ کھنگ کیوانگ واکوں ٹٰلی فون کیتے اتے انہاں نال کرونا دی صورتحال تے الوائے۔ترجمان دفتر خارجہ دے مطابق ڈوہاں وزرائے خارجہ ایں عالمی چیلنج نال نبڑن کیتے آپسی صلاح مشورہ جاری رکھنڑ تے اتفاق کیتے۔انہاں کرونا کوں کھنڈنڑ توں روکنڑ، تادیبی اقدامات، علاج معالجے اتے اگو تے اینجھی آفت توں بچنڑ دی حکمت عملی تے وی گالھ مہاڑ کیتی۔شاہ محمود قریشی کرونادی وبا پاروں متاثر تھیونڑ آلے ترقی پذیر ملکاں کیتے انہاں دی معیشت کوں ٹیک ڈیونڑ کیتے عالمی قرضیاں دی ادائیگی موخر کرنڑ اتے ری اسٹرکچر کرنڑ دی تجویز دی حمایت دا آکھیا۔انہاں اپنڑی ہم منصوب کوں مقبوضہ کشمیر دی صورتحال وی ڈسائی اتے عالمی سطح تے ایندے بارے آواز چاونڑ کیتے حمایت منگی۔کوریائی وزیر خارجہ یقین ڈیوایا جو جنوبی کوریاکرونا نال نبڑن کیتے ہر اقدام دی ہر سطح تے پاکستان دی حمایت جاری رکھیسی۔
وزیر خارجہ مخدوم شاہ محمود قریشی دا جنوبی کوریائی ہم منصب کھنگ کیوانگ وا کوں ٹیلیفون،کرونا دی صورتحال تے الوائے
مضمون کا ماخذ : پاکستان لاٹری نمبر
متعلقہ مضامین
