اسلام آباد ۔ 09 اگست (اے پی پی) وفاقی وزیر منصوبہ بندی ترقی و اصلاحات مخدوم خسرو بختیار آکھیے جو حکومت ملک اچ صحت دیاں سہولتاں دی بہتری کیتے تکھے اقدامات کریندی پئی اے ،ایں حوالے نال وزیراعظم عمران خان صحت انصاف کارڈ دا پورے ملک اچ غریب اتے نادار لوکاں کیتے اجرا کیتے جیں نال لوک مفت علاج دیاں سہولتاں توں فائدہ چا سگدن ۔اے گال انہاں گزریل ڈینھ سینٹرل ڈویلپمنٹ ورکنگ پارٹی دے اجلاس نال خطاب کریندے ہوئیں آکھی اے ۔سی ڈی ڈبلیو پی دے اجلاس اچ صحت متعلق 2 منصوبے پیش کیتے گے ،جیں اچ پہلا منصوبہ اے جے کے سیکنڈری کئیر ہسپتال اچ ایکسرے اتے الٹرا ساونڈ مشیناں دی فراہمی کیتے20 ملین روپے دی لاگت دا پیش کیتا گیا جیں کوں اجلاس اچ منظور کر گھدا گے ۔ نیشنل انسٹیٹوٹ آف ہیلتھ اسلام آباد اچ ویکسین دی فراہمی اتے فلنگ سسٹم کوں بہتر بنڑاونڑ تے سپلائی تے فلنگ لائن دی اپ گریڈیشن کیتے 102.857 ملین روپے دی لاگت دا منصوبہ پیش کیتا گیا جیں کوں اجلاس اچ منظور کر گھدا گے ۔
حکومت صحت دیاں سہولتاں دی بہتری کیتے اقدامات کریندی پئی اے ، مخدوم خسرو بختیار
مضمون کا ماخذ : números da sorte loteria
متعلقہ مضامین
