اسلام آباد ۔ 07نومبر(اے پی پی) چیئرمین سینیٹ صادق سنجرانی آکھیے جو پاکستان سوئٹزر لینڈ نال اپنڑے ڈو پاسے دے تعلقات کوں قدر دی نگاہ نال ڈیکھدے ،انہاں تعلقات کوں بہوں سارے شعبیں اچ مزید ودھاونڑ دی ضرورت اے ،پاکستان تے سوئٹرز لینڈ ہک ڈوجھے دے تجربیں توں بہوں کجھ سکھ سگدن تے ادارہ جاتی تعاون تے پارلیمانی وفد دے تبادلے تے رابطہ کاری کوں موثر بنڑایا ونج سگدے ۔سوئٹزر لینڈ دے پارلیمانی وفد دے دورے دے چنگے نتیجے سامنڑے آسن ۔اے گال چیئرمین سینیٹ محمد صادق سنجرانی سوئٹزرلینڈ دی ریاستاں دی کونسل دے صدر جین رینے فرنیئر دی سربراہی اچ پاکستان دا ترائے ڈینھ دا دورہ کرنڑ آلے پارلیمانی وفد نال پارلیمنٹ ہاوس اچ ملاقات کریندے ہوئیں آکھی اے۔ چیئرمین سینیٹ صادق سنجرانی آکھیا جو سوئٹزرلینڈ دے سرمایہ کار پاکستان اچ سرمایہ کاری دے موقعیں توں فائدہ چا سگدن ،پاکستان سرمایہ کاری کیتے چنگاں ملک اے ۔
چیئرمین سینیٹ دی سوئٹزرلینڈ دے پارلیمانی وفد نال ملاقات
مضمون کا ماخذ : آن لائن لاٹری ٹکٹ
متعلقہ مضامین
