اسلام آباد ۔ 3 اکتوبر (اے پی پی)پاک فوج دے سربراہ جنر ل قمر جاوید باجوہ آکھیے جوکشمیر پاکستان دی شہ رگ ہے، پاک فوج کہیں وی چیلنج، مہم جوئی یا جارحیت نال نبڑن سانگے مکمل طور تے تیار اتے پر عزم ہے۔ایہ گالھ آرمی چیف خمیس کوں جی ایچ کیو اچ کورکمانڈرکانفرنس توں خطاب کر یندے ہوئیں آکھی۔آئی ایس پی آر مطابق پاک فوج دے سربراہ جنرل قمر جاوید باجوہ دی صدارت اچ کورکمانڈر کانفرنس جی ایچ کیو راولپنڈی اچ تھئی ،جیندے اچ جیو سٹریٹجیک ، قومی سلامتی صورتحال اتے آزاد جموں کشمیر دی صورتحال دا جائزہ گھدا گیا۔ فورم اقوام متحدہ دی جنرل اسمبلی اجلاس دوران مقبوضہ کشمیر اچ محاصرے ،بھارت ولوں انسانی حقوق دی سنگین خلاف ورزیاں کوں بے نقاب کرنڑ اتے مسئلہ کشمیر کوں چنگے انداز نال اجاگر کرنڑ دے عمل دی تعریف کیتی ۔کورکمانڈر کانفرنس دے شرکاءپاکستان کوں غیر مستحکم کرنڑ دی غیر ملکی سازشاں نال نبڑن دے عمل دی وی تعریف کیتی ۔فورم ،بھارتی کمانڈراں ولوں میڈیا دے ذریعے غیر ذمہ دارانہ بیانات یا کہیں وی جارحیت دا کرارا جواب ڈیونڑ دے عزم دا اعادہ کیتا۔ کور کمانڈرز کانفرنس اچ بھارتی جارحیت دا جواب ڈیونڑ دا فیصلہ کریندے ہوئیں آکھیا گیا جو کشمیر پاکستان دی شہ رگ ہے، کشمیریاں دے حق خود ارادیت تے کوئی سمجھوتہ کائناں تھیسی۔ کانفرنس توں خطاب کریندے ہوئیں آرمی چیف جنرل قمر جاوید باجوہ آکھیا جو پاک فوج مادروطن دے تحفظ،وقار اتے علاقائی سالمیت دے دفاع سانگے مکمل تیار اتے پرعزم ہے ۔
کشمیر پاکستان دی شہ رگ ہے، پاک فوج کہیںوی چیلنج، مہم جوئی یا جارحیت نال نبڑن سانگے مکمل طور تے تیار اتے پر عزم ہے آرمی چیف جنر ل قمر جاوید باجوہ دا کور کمانڈر کانفرنس توں خطاب
مضمون کا ماخذ : فروٹ شاپ
متعلقہ مضامین
