بيجنګ 06 جون (اے پي پي) وزيراعظم محمد شهباز شريف وئيلي دي پاکستان كښې د متبادل توان په څانګه كښې د سرمايه كارۍ ډېر ګنجائش شته، د متبادل توان نظام مضبوطولو ته مونږ وړومبۍ پام لرنه كوو۔ د زيارت په ورځ د وزيراعظم آفس ميډيا ونګ لخوا د جاري بيان له مخې ده د دې خيالاتو څرګندونه د پاور چائنه چيئرمېن ډنګ يانزانګ سره كړې چا چې دوي سره ملاقات كولو۔ په دې موقع نائب وزيراعظم او خارجه وزير اسحاق ډار، د دفاع وزير خواجه آصف، د منصوبه بندۍ وزير احسن اقبال، د اطلاعات او خپرونو وفاقي وزير عطاء الله تارړ، د پاور وفاقي وزير اويس احمد خان لغاري او د وزيراعظم خاص مرستيال طارق فاطمي موجود وو۔ وزيراعظم ووئېل د متبادل توان نظام مضبوطولو ته مونږ وړومبۍ بام لرنه كوو٬ پاکستان كښې د متبادل توان په اړه د سرمايه كارۍ لوئي استعداد موجود دے۔ ده ووئيل د بجلۍ غلا مخ نيوي په لړ كښې په هېواد كښې زياتې كاروائې روانې دي ۔ په دې موقع د چائنا پاور چيئرمېن ډنګ يانزانګ د ساهيوال کول پاور پلانټ په تند رفتارۍ سره تعمير او د معيار ستائنه وكړه او د پاكستان او پنجاب سپيډ ذكر ئې هم وكړو۔ ده ووئيل پاكستان سره به په اېم او يوز لاسليك كېږي چې له مخې به ئې پاکستان كښې د برېښنا د ترسيل نظام بهتر او لائن لاسز كم كړے شي۔
پاکستان كښې د متبادل توان په څانګه كښې د سرمايه كارۍ ډېر ګنجائش شته۔ د وزيراعظم شهباز شريف د پاور چائنه چيئرمېن سره خبرې
مضمون کا ماخذ : نتیجہ بہت زیادہ
متعلقہ مضامین
.jpg)
.jpg)
