اسلام آباد۔14مارچ(اے پی پی) صدر ډاکټر عارف علوي وئيلي دي ټاكنو كښې به تاخير ونه كړے شي ٬ باور لرم چې دا به په خپل وخت كېږي ، په وخت ټاكنو سره به د هېواد په سياسي او معاشي صورتحال كښې د بهترۍ لارې رامخې ته شي۔ صدر مملكت د دې خيالاتو څرګندونه د کونسل آف پاکستان نیوز پېپرز ایډیټرز پلاوي سره خبرو كښې وكړه كوم چې په ايوان صدر كښې هغه سره ملاقات كولو۔ صدر مملكت د پاكستان آئين د احترام په حاجت زور راوړلو سره ووئيل زمونږ تاريخ دا ثابتوي چې كله هم په ټاكنو كښې تاخير شوے جمهوريت ته زيان رسېدلے۔ ده ووئيل د خېبر پښتونخوا ګورنر يو جمهوري شخصيت دے ٬ هغه ته د آئين او د سپريم كورټ امر له مخې د ټاكنو د نېټې ټاكلو مشوره وركړې شوه۔ ډاكټر عارف علوي ووئيل د صدر مملكت په حېث زه خپل آئيني كردار ترسره كوم، سپریم کورټ هم د پرېكړو توثيق كړے ٬ اختلافات كمولو او د سياسي ګوندونو ترمينځه تفاهم ته وده وركولو له مې خپل كردار ترسره كړے۔ صدر مملکت ووئيل د هېواد په خاطر زه كوم هم شخصيت يا سياسي ګوند سره ملاقات كولے شم۔ ده ووئيل ما د پي ټي آئي مشرتابه ته هم نورو سياسي ګوندونو سره د خبرو اترو كولو وئيلي دي ٬ حكومت سره ښې اړيكې لرم۔ صدر ووئيل د كرپشن په ضد يم٬ دې هېواد ته زيات زيان رسولے دے او له دې كبله مې نېب بدلون بل مسترد كړے۔ صدر ووئيل په پرېكړه كولو كښې تاخير ٬ د مېرټ خلاف ورزي ٬ خپل پردي او كرپشن پاكستان ته زيان رسولے۔ ده ووئيل ميډيا دې د ريښتنو او ذمه وارو تجزيو او رائے وړاندې كولو له خلقو ته تعليم وركړي۔ صدر ووئيل د عصري ميډيا د عروج باوجود پرنټ ميډيا اوس هم د خلقو رائے تشكيلولو او مهمو مسئلو څخه د اولس خبرولو كښې مهم كردار ترسره كوي۔ صدر مملكت په پاكستان كښې د اظهار رائے آزادۍ په برقرار ساتلو هم زور راوړو۔
د صدر ډاكټر عارف علوي د كونسل آف پاكستان نيوز پېپرز ايډيټرز پلاوي سره ملاقات
مضمون کا ماخذ : کمپیوٹر لاٹری کی پیشن گوئی
متعلقہ مضامین
