اسلام آباد ۔ 13 نومبر (اے پی پی) مقبوضہ جموں و کشمیر لبریشن فرنٹ (جے کے ایل ایف) دے رہنما یاسین ملک دی ذال مشال ملک مقبوضہ کشمیر اچ بھارتی ظلم دی مذمت کریندے ہوئیں آکھے جو اج دے ڈینھ مقبوضہ کشمیرا چ بھارتی بربریت ، کرفیو اتے لاک ڈاﺅن دے 101ڈینھ تھی گن تے کشمیریاں بھارتی حکومت دا سفاک چہرہ دنیا دے سامنڑے بے نقاب کرڈتے ۔اے گال انہاں نجی ٹی وی چینل نال گال مہاڑ کریندے ہوئیں آکھی اے ۔انہاں آکھیے جو بھارتی قابض فوج محصور کشمیریاں کوں بھکا مرنڑتے مجبور کرڈتے کیوں جو بھارت مقبوضہ وادی اچ اپنڑاں غیر قانونی کنٹرول برقرار رکھنڑ چاہندے۔انہاں آکھیے جو جموں تے کشمیر دے لوک ترائے مہینے توں ودھ عرصے توں محاصرے اچ ہن تے انہاں کوں اپنڑے رشتے داراں بارے کجھ پتہ کائنی جو کتنے لوک بھارتی فورسز دے ہتھوں شہید یا زخمی تھی گن ۔انہاں آکھیے جو وادی اچ بال بھک تے تریہہ توں مردے پن کیوں جو کرفیو انہاں دی زندگی اوکھی کرڈتی اے ۔
کشمیریاں کوں بھارتی فوجیاں دے ہتھوں شہید تے زخمی رشتہ داراں بارے کوئی پتہ کائنی،مشال ملک
مضمون کا ماخذ : estratégias para lotomania
متعلقہ مضامین
