اسلام آباد ۔ 6 جنوری (اے پی پی)قومی اسمبلی دی قائمہ کمیٹی دفاع مسلح فوج دے سربراہیں دی مدت ملازمت اچ توسیع دے حوالے نال ترائے بلاں دی متفقہ طور تے منظوری ڈے ڈتی اے ، آرمی ترمیمی ایکٹ صبحائیں منگل کوں قومی اسمبلی اچ پیش کیتا ویسی ۔وزیر دفاع پرویز خٹک قائمہ کمیٹی دے اجلاس دے بعد میڈیا کوں بریفنگ ڈیندے ہوئیں آکھیا جو آرمی ترمیمی ایکٹ دی قائمہ کمیٹی توں متفقہ طور تے منظوری تے پوری قوم کوں مبارخ ڈیندوں ،ایں حوالے نال حکومت اتے اپوزیشن ہک پیج تے ہن ،سارے فوج دے رلے کھڑن ۔ وزیر دفاع پرویز خٹک آکھیا جو آرمی ترمیمی ایکٹ صبحائیں منگل کوں قومی اسمبلی اچ پیش کیتا ویسی ،ہک سوال دے جواب اچ انہاں آکھیے جو کوئی ٹریک توں پچھوں نی ہٹدا ، اساکوں افواہ تے کن نی ڈیونڑیں چاہیدے ۔ایندے توں پہلے قومی اسمبلی دی قائمہ کمیٹی دفاع دا ان کیمرہ اجلاس سنوار کوں چیئرمین کمیٹی امجد علی خان دی زیر صدارت پارلیمنٹ ہاﺅس اچ منعقد تھیا ۔وزیر دفاع پرویز خٹک ،وفاقی وزیر قانون و انصاف بیرسٹر فروغ نسیم دے علاوہ حکومتی تے اپوزیشن دے ارکان شرکت کیتی ۔ اجلاس اچ مسلح فوج دے سربراہیں دی مدت ملازمت اچ توسیع کیتے آرمی ایکٹ ترمیمی بل تے غور کرنڑ دے بعد اتفاق رائے نال منظور کر گھدا گیا ۔
قومی اسمبلی قائمہ کمیٹی دفاع مسلح فوج سے سربراہیں دی مدت ملازمت اچ توسیع دے ترائے بلاں دی منظوری ڈے ڈتی، آرمی ترمیمی ایکٹ صبحائیں قومی اسمبلی اچ پیش کیتا ویسی ، ایں حوالے نال حکومت تے اپوزیشن ہک پیج تے ، سارے فوج دے رلے کھڑن ، وزیر دفاع پرویز خٹک
مضمون کا ماخذ : عظیم البینی
متعلقہ مضامین
