کوئٹہ۔26جون(ا ے پی پی)لورالائی اچ پولیس لائن تے دہشت گرداں دے حملے اچ حوالدار شہید جڈاں جو 5 افراد زخمی تھی گین،حملے دی جوابی کارروائی اچ3 دہشت گرد وی ماریے گین۔بدھ کوں لورالائی اچ نامعلوم دہشت گرداں پولیس لائن اچ وڑن دی کوشش کیتی جیندے جواب اچ پولیس ولوں فائرنگ نال ہک دہشتگرد گیٹ تے ہی ماریا گئے جڈاں جو ڈو دہشت گرداں آپنڑے آپ کوں دھماکے نال اڈا ڈتے،ایں دوران ہک تریمت سودھے پنج بندے زخمی تھی گین۔زخمیاں اچ ایس پی عطاءالرحمن ترین ولد شادی خان ترین ، بی بی فاطمہ زوجہ محمد رفیق، سجاد احمد ولد ممتاز احمد ، محمد ادریس ولدمحمد رمضان، محمدعالم ولد محمد رمضان شامل ہین جیکوں ہسپتال پچا ڈتا گئے۔دھماکے دی اطلاع تے پولیس اتے ایف سی دی بھاری نفری موقع تے پجی اتے علاقے کوں گھیر تے کلیرنس کیتی جڈاں جو دہشتگراں ولوں سٹیے گئے بم ناکارہ بنڑا ڈتے گین۔
مضمون کا ماخذ : لاٹری کے سستے ٹکٹ
