اسلام آباد ۔ 8 جولائی (اے پی پی)عالمی شہرت یافتہ سماجی کارکن عبدالستار ایدھی دی تریجھی برسی منائی گی، ایں ڈینھ دی مناسبت نال سارے ملک اچ تقریبات تھئیاں۔ عبدالستارایدھی 1951ءاچ کراچی دے شہری علاقے کھارادر اچ ہک چھوٹی ڈسپنسری بنڑا تے سماجی خدمات داسلسلہ شروع کیتا ،جینکوں بعد اچ ودھا تے انہاں ایدھی فاﺅنڈیشن بنڑائی۔عبدالستارایدھی نہ صرف انسانی فلاح تے بہبود بلکہ سارے ملک اچ زناوراں سانگے وی کئی ادارے بنڑائے،جیرھے جو انہاں دی گھر آلی اتے پتر دی سرپرستی اچ کم کریندے پن۔ عبدالستار ایدھی پہلی جنوری 1928 کو ں جمے۔ قوم انہاں دی تریجھی برسی دے موقع تے انہاں دی خدمات پاروں انہاں کوں خراج عقیدت پیش کیتے۔ انسانی خدمت دے کم کوں انہاں اتنا ودھایا جو فاﺅنڈیشن دے 400 توں ودھ مراکز کم کریندے پن۔1997 اچ گینزبک آف ورلڈ مطابق ایدھی فاﺅنڈیشن دی ایمبولینس سروس دنیا دی سبھ توں وڈی فلاحی سروس ہے۔ عبدالستارایدھی 8جولائی2016 کوں87 سال دی عمر اچ فوت تھی گئے ہن۔
عالمی شہرت یافتہ سماجی کارکن عبدالستار ایدھی دی تریجھی برسی منائی گی، ایں ڈینھ دی مناسبت نال سارے ملک اچ تقریبات تھئیاں
مضمون کا ماخذ : بہت کچھ
متعلقہ مضامین
