راولپنڈی۔14مئی(اے پی پی) آرمی چیف جنرل قمر جاوید باجوہ عید دا ݙوڄھا ݙینھ وی پاک فوج دے جواناں نال منائے اتے لوئر دیر اچ تیمر گرہ دے نیڑے مغربی سرحد تے اگلے مورچیاں دا دورہ کیتے اتے اتھاں تعینات جواناں نال ملین اتے جواناں نال عید نماز وی پڑھی۔ کور کمانڈرپشاور لیفٹیننٹ جنرل نعمان محمود آرمی چیف دا استقبال کیتے۔ آرمی چیف کوں پاک افغان بارڈر تے سیکورٹی صورتحال اتے بارڈر مینجمنٹ تے بریفنگ ݙتی ڳئی۔ سپہ سالار افسراں اتے جواناں دے اچے ڄذبیاں، پیشہ ورانہ تربیت و تیاریاں دی تعریف کیتی۔آرمی چیف آکھیا جو ٻہوں وݙیاں قربانیاں اتے سخت مشکلات دے بعد ایں علاقے اچ امن آئے، شہداء مادر وطن دی حفاظت کیتے جاناں ݙتن، دہشتگرداں کوں ولا امن کراب کرݨ دی اجازت نہ ݙیسوں، پاک فوج سیکورٹی اداریاں دے رلے امن سانڳے اپݨی ذمہ داری نبھیندی راہسی۔ انہاں شہداء کوں شاندار خراج عقیدت پیش کیتے اتے کرونا توں بچݨ کیتے ایس او پیز تے سختی نال عمل دی ہدایت کریندے ہوئے کورونا نال نبڑݨ کیتے سول انتظامیہ دا ہتھ ونݙاوݨ لو پاک فوج دے کردار دی وی تعریف کیتی۔
آرمی چیف دا تیمر گرہ اچ مغربی سرحد تے اگلے مورچیان دا دورہ، عید دا ݙوڄھا ݙینھ وی جواناں نال منائے، پاک فوج سیکورٹی اداریاں دے رلے امن سانڳے اپݨی ذمہ داری نبھیندی راہسی، آرمی چیف جنرل قمر جاوید باوجو دا عزم
مضمون کا ماخذ : ہرکیولس اور پیگاسس
متعلقہ مضامین
